2 Республикалық ата - аналар конференциясы  "ХХІ ғасырдағы Қазақстандық ата - ана: Өз балаңа үлгі бол" атты конференция "№123 жалпы орта мектебі" коммуналдық мемлекеттік мекемесінде жалғасын тапты 

 

 

 

 

3

17:06 17.06.2018(Жаңартылды 18:21 17.06.2018)

Үш күннен соң Қазақстанда Ұлттық бірыңғай тестілеу басталады. Мектеп бітірген 146 мың баланың 100 мыңнан астамы осы сынақты тапсырып, ЖОО гранттарына таласады

АЛМАТЫ, 16 маусым – Sputnik, Кенжекей Тоқтамұрат. Биыл 20 маусымда басталатын Ұлттық бірыңғай тестілеу айқай-шусыз өтіп көрмеген.  Былтыр "Алтын белгі" иелерін жарылқаймыз деген Білім министрлігі, тіпті, грантты екінші рет таратып, даудан әрең құтылған еді. 

Sputnik тілшісімен әңгімелескен білім саласының белсендісі, филология ғылымдарының кандидаты, "Зерттеуші" Республикалық ғылыми-білім беру орталығы"мекемесінің директоры Мырзантай Жақып ата-аналар мен талапкерлерге аз балман грантқа түсудің амалдарын айтып, ҰБТ-ның биылғы бес жаңалығымен бөлісті. 

Ең басты бес өзгеріс

<!-- [if gte vml 1]> <!-- [if !vml] -->

 

 

© /

Астанада ҰБТ-ны қалай тапсырады?

"Бұған дейін ҚР Білім және ғылым министрлігі Ұлттық бірыңғай тестілеу және мемлекеттік білім гранттарын бөлу кезінде біраз өрескел кемшілік жіберіп алғаны ешкімге де құпия емес", — дейді Мырзантай Жақып. 

Еске, әрине, былтырғы "Алтын белгі" иелерінің ҰБТ-дан төмен балл алса да, грант алып кеткен кезі еске түсті.  Соның нәтижесі болу керек. Үкімет пен салалық министрлік "Талапкер-2018" науқаны қарсаңында ертерек қамданғаны байқалып, кейбір өзгерістерді де ертерек қабылдады. 

"Біріншіден, "Ұлттық бірыңғай тестілеудің немесе кешенді тестілеудің бейіндік пәндері көрсетілген мамандықтар тізбесі және кешенді тестілеудің жалпы бейіндік пәндері көрсетілген мамандықтар тізбесіне" өзгерістер мен толықтырулар енгізілді. Бұған дейін "жастарға ағылшын тілін оқытамыз" деген себеппен шет тілін қисынға келсе де, келмесе де, көптеген мамандыққа бейіндік пән ретінде қосып тастаса, енді ол ең қажеттеріне ғана қалдырылды.

Екіншіден, "Ұлттық бірыңғай тестілеуді және кешенді тестілеуді өткізу қағидаларына" тиісті өзгерістер мен толықтырулар енгізілді. Соған сәйкес енді талапкерлерге ҰБТ немесе КТ нәтижелері туралы сертификаттармен бірге мамандықтар тізбесі, ағымдағы жылы бөлінген білім беру гранттарының саны және өткен жылғы білім беру гранттарын тағайындау конкурсының нәтижелері туралы ақпаратты қамтитын арнайы ақпараттық парақтар қоса беріледі. Сондай-ақ жоғары оқу орындарының қабылдау комиссияларына оқуға түсуші талапкерлерге таңдаған жоғары білім мамандықтары мәселелері бойынша консультация беру, тестілеу рәсімімен таныстыру секілді міндеттер жүктелді.

<!-- [if gte vml 1]> <!-- [if !vml] --> <!-- [endif] -->

 

Депутаттар мұғалімдерді ҰБТ процесінен босатуды сұрады

Үшіншіден, 2018-2019 оқу жылына арналған мамандықтар бөлінісіндегі жоғары және жоғары оқу орнынан кейінгі білімі бар мамандарды даярлауға мемлекеттік білім беру тапсырысы биыл бұрынғы жылдарға қарағанда ертерек жарияланды. Бұған дейін қандай мамандыққа қанша мемлекеттік білім гранты бөлінгені жөніндегі толық мәлімет талапкерлер ҰБТ мен кешенді тестілеу сынағынан өтіп, конкурсқа құжат тапсыратын кезде ғана белгілі болушы еді. Ал биыл бұл ақпарат мамыр айының ішінде ресми түрде жарық көрді.

Төртіншіден, үкіметіміздің арнайы қаулысына сәйкес "Жоғары білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларына" біраз өзгеріс пен толықтыру енгізілді. Мысалы, "5В010300 – Педагогика және психология" және "5В021100 – Теология"" мамандықтары шығармашылық емтихан тапсыру талап етілетін мамандықтар бөліміне қосылды.

Бесіншіден, "Білім туралы" 2007 жылғы 27 шілдедегі ҚР заңының 26-бабындағы 5-тармаққа өзгерістер мен толықтырулар енгізілді. Енді "Алтын белгі" иегерлеріне, колледжден кейін бір жыл жұмыс істеген талапкерлер мен халықаралық олимпиадалар мен ғылыми жобалар конкурстарының жеңімпаздарына бiлiм беру гранттарын алуға конкурс кезiнде басқа түлектермен балы тең болған жағдайда ғана артықшылық беріледі".

Тест ата-ана мен оқушының есіне түстен кейін түседі

Ұлттық бірыңғай тесте ауыл балаларының білімі ақсап тұратынын анық байқауға болады. Ауыл балалары үшін оқуға түсер кезде 30 пайыздық квота беру арқылы Білім министрлігі де ауыл мен қала білімі тең емес екенін мойындап тұрған сияқты. Талапкерлер мен ата-аналарына тестке қатысты бағыт-бағдар беріп келе жатқан "Зерттеуші" орталығының директоры ретінде Мырзантай Жақып ҰБТ-ға екі-үш жыл бұрын қамдану керек дейді.

<!-- [if gte vml 1]> <!-- [if !vml] -->

 

Министрлік түлектерді ҰБТ кезінде менингиттен қалай қорғайды?

"Өкінішті жағдайдың бірі – ауылда тұратын қарапайым ата-аналардың көпшілігінің есіне ҰБТ ұл-қыздары мектеп бітірейін деп жатқан кезде ғана түседі. Ауыл мектептерінің білім беру сапасы да көңіл көншіте қоймайды. Сол секілді ата-аналардың басым көпшілігі барлық жауапкершілікті мектеп мұғалімдерінің мойнына артып қойып, оқушыларды да солар оқытып берсе, университетке де солар түсіріп берсе деп, мемлекеттің көмек беруін талап етіп, ал өздері қол қусырып қарап отырғысы келеді. 

Қалай да мемлекеттік білім грантына қол жеткізсем деп армандайтын ауыл баласы ҰБТ-ға дайындықты ертерек, 9-10 сыныптардан бастауы керек. Мектептегі мұғалімдеріне ғана сеніп жүре бермей, қосымша курстарға барып, өз бетінше көбірек ізденіп, өзінің таңдаған мамандықтарына орай міндетті және бейіндік пәндерді тереңірек оқып, байыпты білім алуы қажет.

Ал тікелей ҰБТ тапсыру кезінде бөлінген уақытты тиімді пайдаланып, алдымен өзі өте жақсы білетін, дұрыс екеніне көзі жетіп тұрған сұрақтардың жауаптарын ең алдымен белгілеп, қиын сауалдарға содан кейін кіріскені дұрыс.

Ал, ең бастысы, конкурсқа құжат тапсыратын кезде қандай мамандыққа және қай жоғары оқу орнына қанша орын берілгенін анықтап, бұрынғы жылдардағы көрсеткіштермен мұқият танысып, алдын-ала сарапқа салып алса, құба-құп. Грант көп бөлінген, орташа балмен түсіп кетуге болатын инженерлік, ақпараттық технология, робот техникасы, нанотехнология, техникалық және ауыл шаруашылығы мамандықтарын таңдауға кеңес берер едім", — дейді маман. 

Естеріңізге сала кетейік, президент Нұрсұлтан Назарбаев өзінің "Президенттің бес әлеуметтік бастамасы" атты халыққа үндеуін жариялады. Осы үндеуде атап көрсетілгеніндей, жыл сайын бөлінетін 54 мың грантқа қосымша 2018-2019 оқу жылында тағы 20 мың грант бөлініп отыр. Оның 11 мыңы техникалық мамандықтар бойынша бакалаврлық білім беруге тиесілі.

<!-- [if gte vml 1]> <!-- [if !vml] --> <!-- [endif] -->

 

ҰБТ-ға бір ай қалды. Білім министрі мектептерді жазаламауды сұрады

Сағадиев Үкіметтік емес ұйымдарға неге салқын қабақ танытып жүр?

Мырзантай Жақып басқаратын "Зерттеуші" мекемесі жоғары білім алғысы келетін жастарға бағыт-бағдар беретін  коммерциялық емес орталық. Оның айтуынша, оқу орны білім министрлігімен тығыз жұмыс істегісі келгенмен, министр Ерлан Сағадиевтен бастап, ведомстводағы шенеуніктер аса ынталы емес көрінеді. 

"Біздің орталықтың кiрiс түсiру негiзгi мақсаты емес және алынған таза кiрiстi қатысушылар арасында бөлмейді. Коммерциялық емес ғылыми-зерттеу, ғылыми-білім беру, оқыту-кеңес беру, заңдық және құқықтық кеңес беру, редакциялық-баспа ұйымы ретінде осыған дейін мемлекеттік органдардан бір тиын да көмек алған емеспіз. Білім және ғылым министрлігімен тығыз ынтымақтастықта болғымыз келеді. Алайда министр Ерлан Сағадиев білім және ғылым саласында жұмыс істейтін үкіметтік емес ұйымдарға салқын қабақ танытып келе жатқанын ашық айтқым келеді. Аталған министрліктің ҮЕҰ-мен өткізілген жиын-жиналыстарына қатысу үшін Ерлан Сағадиевтің атына бірнеше рет хат жаздық. Білім және ғылым министрлігінің басшылары бізден ат-тонын ала қашатын секілді болып көрінеді", — дейді Мырзантай Жақып. 

Тағы да ҰБТ туралы…

Биыл үкімет "Талапкер-2018" науқанының қарсаңында өткен жылы ерекше дау туғызған біраз мәселе бойынша тиісті ресми құжаттарға өзгерістер мен толықтырулар енгізіп үлгерген. Мұның барлығы ҰБТ мен кешенді тестілеу кезінде пайда болуы мүмкін әртүрлі түсініспеушіліктің алдын алуға бағытталған.

<!-- [if gte vml 1]> <!-- [if !vml] -->

 

БҒМ: ҰБТ-ның "дұрыс жауабын" сатып аламыз деп алданып қалмаңыздар

"Бұл жүйені қорқынышқа айналдырып жіберетін басты себептердің бірі – білім саласына қатысты қажетті және маңызды ақпараттардың қарапайым халыққа толық және жүйелі жеткізілмеуі. Талапкерлер арасында ҰБТ және кешенді тестілеу бойынша ережелер мен құжаттарды түсіндіру бойынша ақпараттық-насихаттау іс-шараларын дер кезінде және сапалы ұйымдастырып, жүзеге асыруға тиіспіз. Сонда білім шыңына ұмтылған жас түлектер мен ата-аналар арасындағы әртүрлі дау-дамай да азаяр еді", — деп ойын түйіндеді Мырзантай Жақып. 

Анықтама: Талапкерлердің ҰБТ-ға қатысуға жыл сайын ҰБТ өткізу пункттерінде 10 наурыз бен 10 мамыр аралығында, ал кешенді тестілеуге (КТ) желілік ЖОО-лардың қабылдау комиссияларында 1-20 маусым аралығында өтініш қалдыра алады. ҰБТ 20 маусым мен 1 шілде, ал КТ 14-18 шілдеде өткізіледі. 

 

4 "№123 жалпы орта мектебінде" 09.02.2017ж ата-аналар жиналысы Оқушылардың өмір қауіпсіздігі мақсатында кезектен тыс өткізілді. Мектеп директоры Т.Атаев Қазіргі таңда белең алып жатқан VK, Instagram, Facebook әлеуметтік желілеріндегі балалардың өміріне қауіп туғызатын "Синий Кит", "Море китов", "Тихии дом", "Я в игре", "Беги или умри" ойын түрлері көптеп таралуда. Ата-аналардан сауалнама алынды. видекөріністер көрсетілді. Ата-аналардан балалардың өмірін сақтау мақсатында бос уақытында әсіресе тунгі уақытта немен айналысатынын қатаң қадағалауын сұрады. 6-7-8 сынып оқушыларына Интернет желісіне кіруге қатаң тиым талды. Мектеп оқушыларының барлығының әлеуметтік желілерін тексеріп жатқанын ескеріп кетті. Оқушылардың психологиясына кері әсер ететін группалардан жеке-жеке оқушыларға түсіндірме жұмыстары жүріп жатқанын айтты.

1

7

Әр оқушы өз бойында Қазақстан Республикасының жас азаматының жоғары адамгершілік қасиеттерін қалыптастыруға міндетті

1. Ғылым мен білімнің негізін қалап, өз біліміңді жетілдір.
2. Сабаққа кешікпей таза, ұқыпты киініп сабаққа керекті құрал жабдықтарыңмен дайын кел.
3. Ең бірінші мұғалім талабына сәйкес күнделікті көрсет және күнделікті үй тапсырмасын жаз.
4. Мектеп ішіндегі, мектеп ауласындағы жұмыстарға шамаң келгенше көмектес.
5. Қоғамдық өмірге белсене араласып өзіңді саналы түрде болашақ мамандық таңдауға дайында. Еңбек тәрбиесі бойынша тапсырмаларды орындау барысында қауіпсіздік техника ережелерін қатаң сақта. Өрт қауіпсіздігі, жол ережелерін оқып, біл және сақта
6. Мектептің қоғамдық-мәдени іс-шараларына, оқушылардың өзін-өзі басқару ұйымына белсене қатыс.
7. Туған жердің табиғатын, халқыңның байлығын сақтап, қорғап көбейтуге ат салыс.
8. Мектептің, өзіңнің және басқаның мүлкін сақтауға, мектеп ауласындағы тазалық пен тәртіпті сақта.
9. Оқушы мектеп мүлігін бүлдірсе, оны ата-анасы орынан келтіру керек;
10. Біреудің затын рұқсатсыз иемденуге болмайды, жоғалған немесе ұмытып кеткен затты кезекші мұғалімге немесе әкімшілікке тапсыру керек;
11. Сабақ кезінде медбикенің немесе сынып жетекшінің рұқсатынсыз кетуге болмайды;
12. Босатылған сабақтар үшін оқушы сынып жетекшіге анықтама немесе ата-анасынан ескертпе қағаз әкелу керек;
13. Салауатты өмір салтын сақтап, жүйелі түрде спортпен айналысып, шынық, өзіңді Қазақстан Республикасының Қарулы күштер қызметіне дайында.
14. Заманауи талапқа сай мәдениет пен техниканы меңгеріп, әр түрлі шығармашылық қабілеттеріңді дамыт.
15. Өз еңбегіңді дұрыс ұйымдастырып, уақытыңды үнемді пайдалан.
16. Қоғамдық орындар мен көшеде әдеп ережесін сақта.
17. Достарыңа адал болып, мектеп ұйымының тұтастығын сақтап, оның пайдалы жақтарын дамыт;
18. Ата-ана, отбасы мүшелеіне құрмет көрсетіп, үй шаруасына көмектес.
19. Ұстаздардың еңбегіне құрметпен қара. Мұғалімдердің, оқушылардың өзін өзі басқару ұйымының талаптарын белсенді қолдап, орында.
20. Мектеп формасын, Алғашқы әскери дайындық, дене шынықтыру пәндерінің бекітілген киім үлгісін қатаң түрде сақта.
21. Қоғамдық, жеке бас гигиенасын, қысқа және үзын шашты жинап оқушыға сай шаш үлгісін сақта.

Оқу жылының қысқы кезеңінде оқушылардың қауіпсіздігі мен денсаулығын сақтау мақсатында білім ұйымдарында сабақты тоқтатудың төмендегідей параметрлері ҚР БІЛІМ ЖӘНЕ ҒЫЛЫМ МИНИСТРІНІҢ 27.09.2006 Ж. № 509 БҰЙРЫҒЫНА СӘЙКЕС ҚЫСТА ЖАЙСЫЗ АУА-РАЙЫНДА БІЗДІҢ ҚАЛА МЕКТЕПТЕРІНДЕ САБАҚТАР ТОҚТАТЫЛАДЫ. САБАҚ БІЛІМ БЕРУ, ДЕНЕ МӘДЕНИЕТІ ЖӘНЕ СПОРТ БӨЛІМІ БҰЙРЫҒЫНЫҢ НЕГІЗІНДЕ ЖҮЗЕГЕ АСЫРЫЛАДЫ.

• 1-4 сыныптарда ауаның температурасы -25 градус және одан төмен (атмосфералық ауаның температурасы желдің жылдамдығына сәйкес) болғанда;
• 1-9 сыныптарда ауаның температурасы -30 градустан төмен болғанда;
• 1-11(12) сыныптарда - 35 градустан төмен болғанда;

- ата – аналар үшін балалары оқитын мектептің кезекші телефонына, сынып жетекшісіне, мектеп әкімшілігіне хабарласуға болады.

5

Ата-аналар мектеп оқушыларының оқуға деген ынтасын қалай арттыруына болады:

 

1. Балаңызбен мектеп және білім алу қаншалықты маңызды екені туралы сөйлесіңіз. Бұл өте маңызды.

2. Балаңыздан күнде мектептегі әр күні қалай өткенін сұрап отырыңыз. Ол сізге бәрін егжей-тегжейлі айтып беретініне көз жеткізіңіз.

3. Балаңызға мұғалімдері үй тапсырмасын бере ме немесе сыныпта өзі жасауы тиіс қандай да бір жоба тапсыра ма – соны біліңіз.

4. Балаңыздың үйде орындайтын ешқандай тапсырмасы болмаса, сабақтарын пысықтап, қайта қарап шығуға кем дегенде 30 минут жұмсауын қадағалаңыз. 

5. Балаңыз үйде қол жеткізген жетістіктерінің қандай да бір сипаттары туралы оқып, онымен сөйлесіңіз. Қажет болса, оның әлдеқандай әрекеттеріне шектеу қойып, не жаман қылықтары турасында бірдеме істеңіз. 

6. Оң әрекеттерді мақтап отырыңыз. Баланың жаман қылықтарына, не теріс мінезіне ғана назар аударып, шүйліге берудің қажеті жоқ.

7. Балаңыз қандай да бір тест не емтиханды нашар тапсырса да, оған қолдау көрсетіңіз.

8. Балаңыз оқудан қиналып жүрсе, оған мұғалімнің, үйге келіп оқытатын репетитордың көмегі қажет.

9. Балаңыз оқудан қиналып жүрсе, оған көмектесетін балама не басқа бір ақпарат көздері туралы мұғалімімен сөйлесіңіз.

10. Ең бастысы – балаңыздың мектептегі үлгерімі мен іс-әрекеттерін қадағалап жүретін мұғалімдерімен үнемі үздіксіз байланыста болыңыз.

11. Жасөспірім баланың алдына нақты мақсат қойыңыз: не нәрсеге қол жеткізгіміз, қандай білімдерді меңгергіміз келеді

12. Қойылған мақсатты жүзеге асыру мерзімін (мен оны түзетемін, жаттаймын) анықтап, жариялаңыз.

13. Мүмкіндігінше, оқытудың қолданбалы бағытын (оны білу маған не үшін керек, мен оны өмірде қалай қолданамын?) анықтаңыз.

14. Балаңыздың бүкіл жұмыс (оқу) барысындағы іс-әрекетінің нәтижелерін нақты әрі уақытылы қадағалап отырыңыз.

15. Мадақтау жүйесін жасаңыз (бүкіл отбасы алдында мақтау). Лайықты ісі үшін мақтаңыз – ынтасын арттырыңыз.

16. Жасөспірім балаға оң қабақпен үнемі қолдау көрсетіп отырыңыз. Жақсы сөз бен нақты кеңес сынап-мінеуге қарағанда жақсырақ.

17. Мектепте жаңа білім меңгеруге деген оң ынта қалыптастырыңыз.

18. Жасөспірім баланың негізгі іс-әрекеті – қарым-қатынас жасау, топтану болғандықтан, оқыту да қарым-қатынас жасау арқылы жүргізілуі тиіс. Баланың оң іс-әрекетін бағалап, пән туралы пікірін сұрап, пәнді онымен талқылаңыз.

19. Балаңыздың оқу үлгерімін сыныбындағы басқа балалардыкімен салыстырмаңыз, бұл оны ашуландыруы мүмкін.

20. Балаңызды жақсы көріңіз.

 

Мұғалімдер мектеп оқушыларының оқуға деген ынтасын қалай арттыруына болады:

1. Жартылай таңдау жасауға ерік беру.

2. Қызығу және қуану мектеп оқушысының оқу процесіндегі негізгі көңіл-күйі болуы тиіс.

3. Оқыту барысында балалардың қажеттіліктерін, қызығушылықтары мен ұмтылыстарын ескеру керек.

4. Оқытудағы ең мықты ынталандыру – «Қолыңнан келді!!!». Бұлайша ынталандыру болмаса, оқытуда мән де жоқ. Баланы өзіне не түсініксіз екенін аздан бастап түсінуге үйрету керек.  Бір үлкен тапсырманы бала өзі орындай алатын бірнеше кішкентай тапсырмаға бөліп тастау керек. Бала қандай да бір іс-әрекетте шеберлікке жетсе, оның ішкі ынтасы арта түседі.

5. Баланың өз-өзіне, өз күшіне деген сенімінің артуы оның ішкі ынтасының күшеюіне ықпал етеді.

6. Баланың жетістіктерін атап отырыңыз. Оның жетістіктерін бағалау оқытуды жалғастыруға көмектеседі. Мысалы, қол жеткізген табыстарының тізімі оның дербес болуына ықпал етуі мүмкін.

7. Сәтсіздік үшін жазалаудың керегі жоқ, сәтсіздіктің өзі – жаза. Үрей мен қысылу оқыту процесін қиындата түседі. Сәтсіздіктер ынтаны азайтады.

8. Мектеп оқушылары үшін мұғалім тұлғасының өзі маңызды (тіпті қызықсыз материалдың өзін сүйікті мұғалімі түсіндірсе – жақсырақ меңгеріледі).

9. Оқу материалының мазмұнын қызықты етіп, дұрыс ұсына білу керек.

10. Оқытудың әдістері мен тәсілдерін өзгертіп отыру қажет.

11. Мүмкіндігінше сабақта әр оқушыға жиірек қарап, «кері» байланыс орнатып, түсінбегенін түсіндіріп, қате түсінгенін түзетіп отыруға тырысыңыз.

12. Оқушыға бір жауабы үшін емес, бірнеше (сабақтың түрлі кезеңдерінде) жауабы үшін баға қойыңыз – сабақ бағасы түсінігін қайта енгізіңіз.

13. Баланың танымдық қабілетіне негіз болатын қасиеттерін: реакциясының шапшаңдығы, жадының барлық түрлері, қиялдай білуі, т.б. үнемі әрі мақсатты түрде дамытып отырыңыз. Әр мұғалімнің басты міндеті – жай үйретіп қана қоймай, өз пәні арқылы баланың ойлау қасиетін жақсарту.

14. Мүмкіндігінше, өз пәнінің тақырыптарын өзге пәндермен байланыстыра отырып, оқушының дүниетанымын кеңейтіп, білімін байытып отыруға тырысу керек.

15. Қолда бар тәсілдердің бәрімен оқушылардың бойында оқуға деген қызығушылық тудыруға тырысыңыз – өзіңіз терең болыңыз, ақпаратты ұсыну әдістерін, өз пәніңізді қызықтырақ етіңіз.

16. Ойын – қоршаған ортаға деген қызығушылықты күшейтетін қуатты құрал. Ойын кішкентай баланың ғана ісі сияқты көрінеді. Алайда, тәжірибе көрсеткендей, ойынмен ынталандыру орта мектеп оқушылары үшін әсіресе тиімді. Кішкентай балаларды басқару оңай, үлкеніректері – ересектеу әрі мақсатқа ұмтыла алады. Ал орта мектеп жасындағыларды әлдебір азарт, шабытпен игеру керек. Баланың түрлі жас ерекшеліктері түрлі ойындарды қажет етеді. Бұл – адам есейген сайын оның психикасында қалыптасатын жаңа түзілістермен байланысты. Жас балалардың ойыны желілі, орта кішкентай жастағылардың ойыны – командалық, үлкен орташа жастағылар әрбір әрекетімен тұлғасын танытады, ал жоғарғы сыныптағылар үшін бейтаныс бейнелерді, шындықтың қызықты да айрықша үлгілерін ойнатып, қалпына келтіру маңызды бола түседі. Әр жастағы бала ойыннан өзіне керегін табады, тұтастай алғанда ойын әрекеті адам тұлғасының, оның ойлауы мен білімдерінің қалыптасуына үлкен ықпал етеді. 

17. Оқушылардың бәрінің күші жететін тапсырмаларды орындау арқылы табысқа жету жағдайын туғызу, жаңа материалды бұрыннан бар білімдерге сүйене отырып үйрету.

18. Сабақта бір-біріне сенім арту, серіктестік ахуалын орнату, мұғалімнің жарқын бейнесі арқылы жағымды көңіл-күй қалыптастыру.

19. Өз әрекеттеріне, өзгелердің әрекетіне, әрекетінің нәтижелеріне баға беру, көп нұсқалы жауап талап ететін сұрақтар (мысалы, «Неге қиын болды?», «Сабақта қандай жаңа нәрсе білдің?», т.б.) арқылы рефлексияға жетелеу.

20. Музыкалық фрагменттерді, ойын және жарыс элементтерін қолдану, әзіл-қалжыңға да орын беру арқылы сабақтың қызықты, ерекше болып басталуы.

21. Топ болып жұмыс істеуді ұйымдастыру, ойын және жарыс элементтерін қолдану, бір-бірінің білімін тексерту, сұрақтың жауабын бірлесе отырып іздеу, «байқап, қателесіп көру» тәсілі, бір-біріне көмек көрсетуі арқылы оқушыларды ұжымдық әрекетке араластыру.

22. Материал ұсынудың ерекше формасы.

23. Мәселені ортақтасып отырып шешу, танымдық әңгіме жүргізу, пікір жарыстыру, пәндердің маңызды сипаттарын бөліп қарастыру, жіктеу, жалпылау, үлгілеу арқылы сабақта серіктестік орнату.

24. Бағалау, ризашылық білдіру, сөзбен мадақтау, үздік жұмыстардың көрмесін ұйымдастыру, мұғалім болмашы көмек көрсетуі, тапсырмаларды қиындату арқылы әрекет жасауға итермелеу, қамшылау.

25. Оқушы ынтасының төмендігіне не себеп екенін анықтау: оқи алмайды ма әлде тәрбиесінде қате бар ма? Содан кейін мәселелі жақтарымен жұмыс істеп көру керек.

26. Баланың оқу процесіне деген қызығушылығын арттыру ісінде баламен байланыс орнату және сенімді ахуал қалыптастырудың маңызы зор.

27. Алдыға ұмтылу, оптимизм ахуалын қалыптастыру және балалардың өз қабілеті мен мүмкіндіктеріне сенуіне жағдай жасау.

28. Жаңа ақпараттық технологияларды қолданыңыз.

29. Ойын – оқушылардың жаңа үйренетін материалға және орындалатын жаттығулардың алуан түрлілігіне деген қажеттіліктерін қанағаттандыратын ең күшті ынталандырушы фактор. Ойнау, атап айтқанда, рольге бөлініп ойнау, оқыту процесін белсенді етуге үлкен мүмкіндіктер ұсынады.

30. Әр баланың тұлғасына құрметпен қараңыз.

Пікір жазғанда оқушылардың сабақтағы ынтасын арттыру жөніндегі өз кеңестеріңізбен бөлісе аласыздар.